As dat Chrisskind geboen wuor

Mit der Weihnachtsgeschichte nach Lukas in Schwelmer Platt, nacherzählt von unserem früheren Vereinsmitglied Eduard Lambeck (1932-2012), wünschen wir allen einen neuen Blick auf den Anlass des Festes und gesegnete Feiertage!

Et es ne lange Tied turügge, dat wuor, as de Kaiser Augustus regeerde, da woll hä wietten, wievüll Lü in sinem Land wuohnden. Alle Lü mochen getallt wärn. So moch ok Josef ut Galliläa mit sinem jungen Wief no Bethlehem goen. Dat wuor ehre Heimatstadt. Dä Vörfahrn läweten ok schon lange Tied hier.

Dat junge Wief, et wuorde Maria geraupen, wuor schwanger un mog den wieden Wieg te Faute lopen. In Bethlehem wuor de Tied gekommen, dat dat Kleene op de Welt wollde. Äwer Josef hadde kin Bett gefunnen, weil so vüell Lü op emol no Bethlehem gekommen worn. Dä früöndliche Wert hadde äwer noch en Plätzken em lierigen Schopstall.

Do konnde Maria entbinnen un se nohm dat kleene Ströppken un do et in Winneln un in ne Futterkrippe op Heu un op Stroh.

In de gliken Tied worn Hirten druten, wo dä groten Wieschen sit un possen op dä Schöppkes op. Et wuor ganz duster.

Op emol wuor et ganz hell. En Engel Gottes stunn do un vertallde van dä Geburt un sag, et es dä Heiland der Welt geborn in enem Stall van Bethlehem. „Go get schier hen und kieket, ob alles stemmt, wat ich gesag häw.“

Kort drop wuor der Himmel voller Engels. Dä sungen ganz herrlich, dä Loch wuor voller Gesang. Dä Viülltahl de Engels loveten Gott un sungen: „Ehre sei Gott in der Höhe und allen Menschen Frieden auf Erden, vor allem, die unter der Gnade Gottes stehen.“

Do moken sick dä Hirten op´n Wieg. In Bethlehem wuor alles so, wie de grote Engel dat gesag hadde.

Dä Hirten freuten sick und vertallten Maria un Josef alles, wat sä erläwet hadden un ok, wat dä Engel gesag hadde. Maria hätt noch lange drüiwer nogedach und nohmet met op er Hierte.

Ach, wat woren dä Hirten froh und platzeden vör Freude. Und so gungen sä hen un mochen alle Lü vertellen, wat sä erläwet hadden. Dat wuor ök dä Gebortsstunns aller Pastöre, dä ok Hirten heißet.